Shymkentte karantin sharalary 8 maýsymǵa deiin uzardy, dep habarlaidy "Ult aqparat".
Shymkent qalasy bas memlekettik sanitar dárigeriniń jańa qaýlysyna sáikes, shahardaǵy karantin shekteýleri 8 maýsym saǵat 00:00-ge deiin sozyldy.
Qujat boiynsha balabaqshalardyń jumysyna jáne sońǵy qońyraý, túlekter keshi sekildi sharalardy ótkizýge tyiym salynǵan. Sonymen qatar kópshilik sharalar jáne otbasylyq otyrystar ótkizilmeidi. Úiden shyqqanda mindetti túrde maska taǵyp, araqashyqtyqty saqtap júrý kerek.
Barlyq toptaǵy sýbektiler (saýda, qyzmet kórsetý, qarjy jáne basqalar) tańǵy 10:00 men keshki 18:00 aralyǵynda ǵana jumys istei alady. Bul nysandarda sanitarlyq-epidemiologiialyq talaptar qatań saqtalýy tiis.
Qaýlynyń tolyq mátinimen myna siltemede tanysýǵa bolady.
