Shymkentte iz-túzsiz joǵalyp ketken áiel 11 kúnnen keiin tabyldy. Jedel izdestirý sharalaryn júrgizgen politseiler 7 qańtar kúni joǵalǵan áieldi taýyp, úiine qaitardy, dep habarlaidy "Ult aqparat".
Qalalyq PD baspasóz qyzmetiniń habarlaýynsha, 3 qańtar kúni Ál-Farabi APB-nyń kezekshi bólimine 44 jastaǵy jergilikti turǵyn kelgen. Ol áieliniń joǵalyp ketkeni týraly aityp, tabýǵa kómektesýge ótinish jasaǵan.
«Jergilikti turǵynnyń sózinshe, 27 jeltoqsanda 27 jastaǵy jubaiy úiden shyǵyp ketip, qaita oralmaǵan. Tártip saqshylary kelinshekti izdestirip, taýyp alǵan. Artynsha úiine jetkizgen. Áieldiń ómiri men densaýlyǵyna esh qaýip tóndirmeidi. Óz kezeginde otaǵasy qajyrly jáne jaýapty jumysy úshin politseilerge alǵysyn bildirip, qyzmettetine tabys tiledi» delingen habarlamada.
