Shymkentte ekskavator júrgizýshisiniń kesirinen 6500 abonent gazsyz qaldy. Júrgizýshi keshe túnde saǵat 22:00 shamasynda Almaty ainalma jolynda jer qazý jumystaryn júrgizgen, dep habarlaidy QazAqparat.
Sala mamandarynyń málimetinshe, oqiǵa ornyna avariialyq qutqarý brigadasy kelgen. Tekserý júrgizgen mamandar ekskavator júrgizýshisiniń jerasty joǵary qysymdy Dý-315mm polietilen gaz qubyryna zaqym keltirgenin anyqtaǵan. Saldarynan qazir sol mańdaǵy 6500 tutynýshy men 35 birlik kommýnaldyq-turmystyq kásiporyn, 6 ónerkásiptik kásiporyn gazdan ajyratylǵan. Kináli júrgizýshini Abai aýdandyq PB qyzmetkerleri izdestirýde.
