©instagram/newscorr
Shymkentte eki júrgizýshi ainalma joldy qaisy jyldam júrip ótetinin anyqtaý úshin aqshaǵa bás tigip, jolda tártipsizdik jasady. Jolaýshylardyń biri oqiǵany videoǵa túsirip alǵan, - dep habarlaidy Tengrinews.kz.
Instagram-daǵy newscorr pabliginde jariialanǵan kadrlarda jigitterdiń jol qozǵalysy erejelerin óreskel buzǵany - olardyń qarsy jolaqqa shyǵyp, jyldamdyqty shekten asyryp, basqa kólikterdiń jolyn kesip, jolaqtardy aýystyryp júrgeni kórinedi. Videoda dóreki, bylapyt sózder aitylady.
"Qyzmetkerlerden videodaǵy jeke tulǵalardy barlyq zańbuzýshylyqtary úshin aiyppul salyp, júrgizýshi kýáliginen aiyrý arqyly adamdardyń ómirin saqtaýdy suraimyz. Olardyń týystarynyń memlekettik qyzmette jumys isteý yqtimaldyǵy joǵary. Qazaqstan Respýblikasy Ishki ister ministrliginiń baspasóz qyzmetinen resmi jaýap kútemiz, - delingen video astynda.
