Shymkentte egiz inisin órtten qutqarǵan 12 jasar qyz medalmen marapattaldy, dep habarlaidy QazAqparat.
Shymkent qalasy TJD bastyǵynyń orynbasary, polkovnik Jánibek Kárimbaev beibit kúnniń batyry Anna Savorovskaianyń eńbegin joǵary baǵalady.
Batyl da, batyr qyzdy tárbielep ósirger anasyna alǵys aitty.
Sondai-aq, QR Tótenshe jaǵdai ministriniń mindetin atqarýshy general-maior I. Kúlshimbaevtyń buiryǵyna sáikes Anna Iýrevna Savorovskaiaǵa «Órtte kórsetken qaisarlyǵy úshin» medalin tapsyrdy.
Aita keteiik, budan aldyn 12 jasar qyz Qainar bulaq saiajaiy, Zelenaia kóshesi boiynda ornalasqan jeke turǵyn úide órt shyqqan sátte egiz inilerin qaýipsiz jerge shyǵaryp, qutqaryp qalǵan bolatyn.
