Foto: pixabay.com
Shymkentte kóshede turǵan kinásiz áieldi teýip, qol jumsaǵan buzaqy bir jylǵa bas bostandyǵynan shekteldi. Bul keleńsiz jaǵdai aqpan aiynda bolǵan eken. Biraq videosy endi tarap, jurttyń ashýyn týǵyzýda, dep habarlady «Ult aqparat» KTK -ǵa silteme jasap.
Qurbysynyń týǵan kúnine barý úshin gúl alyp, taksi kútip turǵan kelinshekti mekemeden shyqqan erkek artynan kelip tebedi. Soqqydan shoshyp ketken áiel tipti ashýǵa da býlyqpaǵan. Al ózi teýip, ózi qulaǵan 50 jastaǵy turǵyn odan keiin kelinshektiń betinen urady.
Eseńgirep qalǵan jábirlenýshi tek osydan keiin ǵana qashyp ǵimaratqa kiredi.
Tártip saqshylary ustaǵannan keiin de, esersoq erkek beitanys áieldi "óltiremin" dep qorqytypty. Sot ony buzaqylyq babymen kináli dep tanyp, bir jylǵa bas bostandyǵyn shektedi.
