"Habar 24" kadry
Shymkentte kósheniń jóndeý jumystary bes jyl boiy aiaqtalmaǵan, - dep habarlaidy Tengrinews.kz saity "Habar 24-ke" silteme jasap.
Adyrbekov kóshesiniń qurylysy uzaq merzimge sozyldy. Bul kóshe qalanyń ákimshilik-iskerlik ortalyǵyna aparady. Sot protsesteri jumysty baiaýlatyp, jer asty kommýnikatsiialar qiyndyq týǵyzdy.
"Qazir bizge joldyń jóndeý jumystaryn aiaqtaýǵa ýáde berip otyr, biraq qolaisyzdyqtar bar. Mine, biz balany balabaqshaǵa aparyp, áketkende qiyndyqqa tap bolamyz", - dedi Shymkent qalasynyń turǵyny Elena Mezentseva.
2018 jyly tenderdi Taraz qalasynyń kompaniia jeńip aldy. Alaida merdiger óz mindetterin oryndamaǵandyqtan, sot sheshimi boiynsha shart buzyldy. Taǵy da tender jariialanǵan, biraq kelisim qymbattady.
"Bastapqyda jobanyń quny 1,6 milliard boldy. Qazir 2,6 milliard teńgege ósti. Tsement, armatýra - bári qymbattady. Bul jumysty oryndaý qunyna áser etedi. Sonymen qatar dizel qymbattady. Dúniejúzilik ekonomika infliatsiiaǵa túsip, barlyǵy qymbattap jatyr. Sondyqtan merdigerler biýdjetti kóbeitýdi suraidy", - dedi Shymkent jolaýshylar kóligi jáne avtomobil joldary basqarmasynyń basshysy Rolan Ibragimov.
Qarajattyń edáýir bóligi kommýnikatsiialardy aýystyryp, joldy keńeitý úshin qosymsha ýchaskelerdi alýǵa jumsaldy. Jol ashylǵan kezde aqaýlar anyqtalyp, nysan jóndeýge qaita jabylǵan.
Adyrbekov kóshesiniń uzyndyǵy 4 shaqyrymǵa jýyq. Joba boiynsha munda 4 jolaqty qozǵalys bolýy kerek. Qazir jumysshylar sýarý naýalaryn jasap jatyr. Qurylys aimaǵyndaǵy úilerdiń ieleri mundai jańbyr júiesi kepteliske ákelýi múmkin dep qorqady. Olar qazirdiń ózinde jańa naýalar jarylǵanyn aitty. Ákimdik merdigerdiń jumysyn áli qabyldamaǵan.
Ákimdik jobanyń tolyq aiaqtalý merzimi 2023 jyldyń sońyna qoiǵan, al jol ýaqytsha bóliktep ashylǵan.
