Shymkent mektepterinde bastaýysh synyp oqýshylary 100 paiyz ystyq tamaqpen qamtyldy, dep habarlaidy QazAqparat.
Shymkent qalasy ákiminiń qaýlysyna sáikes, oqý jylynyń úshinshi toqsanynan bastap megapolis mektepterinde bastaýysh synyp oqýshylaryna tegin ystyq tamaq berile bastady.
Osyǵan deiin bir mezgil tegin ystyq tamaq tek áleýmettik jaǵdaiyna qarai berilgen bolsa, endi memlekettik jáne jekemenshik mektepterdiń 1-4 synyp oqýshylary júz paiyz ystyq tamaqpen qamtyldy. Bul múmkindik qaladaǵy memlekettik bilim berý ordasyndaǵy – 88 657, jekemenshik mektepterdegi 12 500 bastaýysh synyp oqýshysyna berildi. Sonymen qatar memlekettik bilim uialaryndaǵy áleýmettik jaǵdaiy tómen otbasynda tárbielenetin 28 367 joǵary synyp oqýshysy tegin tamaqtanýda.
Mektep ashanalarynyń as máziri Sanitariialyq-epidemiologiialyq baqylaý departamentiniń kelisimi arqyly arnaiy talaptar saqtala otyryp, qalalyq bilim basqarmasymen jasaqtalyp usynylǵan.
