Foto: otyrar.kz
Shymkentte úsh jasar bala basseinge qulap ketti. Qazir ol komada jatyr, - dep habarlaidy Tengrinews.kz tilshisi "Otyrar" arnasyna silteme jasap.
Qalalyq Tótenshe jaǵdailar departamenti málimetinshe, oqiǵa 23 shildede Qyzyljar turǵyn úi alabynda bolǵan.
Saǵat 22:30-da jedel járdemge habarlama túsken. 2019 jyly týǵan bala eresekterdiń qaraýynsyz qalyp, jekemenshik turǵyn úi aýlasynda turǵan basseinge qulap ketken. Basseinniń tereńdigi - 1,4 metr. Bala qalalyq balalar aýrýhanasyna jatqyzyldy. Qazir onyń jaǵdaiy aýyr, 1-dárejeli komaǵa túsken.
