Shymkentte bank qyzmetkerleri klientterge jalǵan eýro satyp kelgen. Bul qylmysty qalalyq Ekonomikalyq tergep-tekserý departamentiniń qyzmetkerleri áshkere qylǵan, dep habarlaidy "Ult aqparat".
Shymkenttegi bankterdiń biriniń qyzmetkerleri nominaly 500 eýro banknottardy satyp kelgen. Departamenttiń málimetinshe, banktiń 5 qyzmetkeri aldyn ala sóz bailasý arqyly klientterge jalpy somasy 4 myń eýro jalǵan qaǵaz aqshany ótkizgen.
«Tergeý barysynda belgili bolǵandai, 2020 jyly bank qyzmetkerleriniń biri jalpy somadan 25% kólemindegi syiaqy úshin jalǵan 6 000 eýrony teńgege aiyrbastaǵan.
Ál-Farabi aýdandyq sotynyń úkimimen kináliler 5 jylǵa bas bostandyǵynan aiyryldy. Qazirgi tańda bank qyzmetkerlerine jalǵan kýpiýra bergen adamǵa halyqaralyq izdeý jariialandy», - delingen vedomstvo aqparatynda.
