Shymkentte baǵdarshamda turǵan 11 jeńil kólikti «KamAZ» kelip soqqan. Saldarynan 4 adam jaraqat alyp, aýrýhanaǵa jetkizildi, dep habarlaidy "Ult aqparat".
Qalalyq Politsiia departamenti baspasóz qyzmetiniń málimetinshe, jol-kólik oqiǵasy 4 jeltoqsan kúni saǵat shamamen 18:30-da Táýke han dańǵyly men Shalǵyndy kóshesiniń qiylysynda bolǵan.
Júk kóligi júrgizýshisiniń aitýynsha, ol rýlge ie bola almai qalǵan.
«Táýke han dańǵylynyń boiynda jol belgileriniń barlyǵy ornatylǵan. Syzbalary syzylyp, jol tegistelgen. Sondyqtan bul jerde jol-kólik oqiǵasyn týdyratyn eshqandai sebep joq», - deidi qalalyq PD Jergilikti politsiia basqarmasynyń bastyǵy Muhtar Buharbaev.
Qazirgi tańda «KamAZ» júrgizýshisine tiisti saraptamalar taǵaiyndalyp, oqiǵanyń mán-jaiy anyqtalýda.
