Sýret: otyrar.kz
Shymkentte aiaýsyz soqqyǵa jyǵylǵan balanyń anasy kinálilerdi jazalaýdy surady, - dep habarlaidy Tengrinews.kz agenttigi otyrar.kz saityna silteme jasap.
Áleýmettik jeliler men messendjerlerde soqqyǵa jyǵylǵan oqýshynyń videosy tarap ketti. Kadrlarda janjal tóbeleske ulasqany kórinedi. Birneshe jasóspirim jaǵdaidy baqylap turǵan, bireýi kameraǵa túsirip úlgergen. Videonyń aiaǵynda balalar qinalyp eńkeigen balany aiaýsyz tepkileidi.
Jábirlenýshiniń anasy oqiǵa 27 mamyrda bolǵanyn aitady. Onyń sózinshe, bul tóbeles emes, toptyq zorlyq-zombylyq kórsetý áreketi bolǵan. Oqiǵadan keiin balasy aýrýhanaǵa túsken. Áiel politseilerden istiń mán-jaiyn anyqtap, quqyqbuzýshylardy zańnyń barlyq qatańdyǵy boiynsha jazalaýdy suraidy.
"Olar ulyma shabýyl jasady, olar jai ǵana tóbeleskisi kelgen. Keshirgim kelgen, biraq keshirmeimin. Ulym olardy urmaǵan. Ekeýi balamdy soqqyǵa jyqqan. Qazir ol aýrýhanada jatyr, jaǵdaiy nashar", - dedi balanyń anasy.
Prokýratýra ókili shaǵym aýdandyq politsiia bóliminde qabyldanǵanyn, tekseris bastalǵanyn túsindirdi. Is aýdan prokýratýrasynyń baqylaýynda. Tergeý amaldary júrgizilip jatyr. Onyń aitýynsha, quqyqbuzýshylardyń ata-anasy jaýapkershilikke tartylady.
