سۋرەت: otyrar.kz
شىمكەنتتە اياۋسىز سوققىعا جىعىلعان بالانىڭ اناسى كٸنەلٸلەردٸ جازالاۋدى سۇرادى, - دەپ حابارلايدى Tengrinews.kz اگەنتتٸگٸ otyrar.kz سايتىنا سٸلتەمە جاساپ.
ەلەۋمەتتٸك جەلٸلەر مەن مەسسەندجەرلەردە سوققىعا جىعىلعان وقۋشىنىڭ ۆيدەوسى تاراپ كەتتٸ. كادرلاردا جانجال تٶبەلەسكە ۇلاسقانى كٶرٸنەدٸ. بٸرنەشە جاسٶسپٸرٸم جاعدايدى باقىلاپ تۇرعان, بٸرەۋٸ كامەراعا تٷسٸرٸپ ٷلگەرگەن. ۆيدەونىڭ اياعىندا بالالار قينالىپ ەڭكەيگەن بالانى اياۋسىز تەپكٸلەيدٸ.
جەبٸرلەنۋشٸنٸڭ اناسى وقيعا 27 مامىردا بولعانىن ايتادى. ونىڭ سٶزٸنشە, بۇل تٶبەلەس ەمەس, توپتىق زورلىق-زومبىلىق كٶرسەتۋ ەرەكەتٸ بولعان. وقيعادان كەيٸن بالاسى اۋرۋحاناعا تٷسكەن. ەيەل پوليتسەيلەردەن ٸستٸڭ مەن-جايىن انىقتاپ, قۇقىقبۇزۋشىلاردى زاڭنىڭ بارلىق قاتاڭدىعى بويىنشا جازالاۋدى سۇرايدى.
"ولار ۇلىما شابۋىل جاسادى, ولار جاي عانا تٶبەلەسكٸسٸ كەلگەن. كەشٸرگٸم كەلگەن, بٸراق كەشٸرمەيمٸن. ۇلىم ولاردى ۇرماعان. ەكەۋٸ بالامدى سوققىعا جىققان. قازٸر ول اۋرۋحانادا جاتىر, جاعدايى ناشار", - دەدٸ بالانىڭ اناسى.
پروكۋراتۋرا ٶكٸلٸ شاعىم اۋداندىق پوليتسييا بٶلٸمٸندە قابىلدانعانىن, تەكسەرٸس باستالعانىن تٷسٸندٸردٸ. ٸس اۋدان پروكۋراتۋراسىنىڭ باقىلاۋىندا. تەرگەۋ امالدارى جٷرگٸزٸلٸپ جاتىر. ونىڭ ايتۋىنشا, قۇقىقبۇزۋشىلاردىڭ اتا-اناسى جاۋاپكەرشٸلٸككە تارتىلادى.
