Foto: videodan skrinshot
Shymkentte gaz qubyrynda órt shyqty – oqiǵa avtokóliktiń soqtyǵysýynan bolǵan. Júrgizýshi kólik salonynan der kezinde shyǵyp úlgergen, dep habarlaidy Ult.kz QR TJM baspasóz qyzmetine silteme jasap.
Vedomstvonyń naqtylaýynsha, Eńbekshi aýdanynyń Bazarqaqpa turǵyn alabynda jeńil avtokóliktiń shkafty gaz rettegish pýnktine soǵylýy saldarynan gaz-aýa qospasy jarylyp, keiin fakeldi janý oryn alǵan.
Oqiǵa ornyna jetken órtke qarsy qyzmet bólimsheleri jedel áreket etip, órtti sóndirý jáne konstrýktsiialardy salqyndatý úshin eki jaýyngerlik oqpannan sý bergen.
Órt sóndirýshiler jalyndy oqshaýlap, onyń turǵyn úilerge taralýyna jol bermedi. Jarylys saldarynan jaqyn mańdaǵy jeke turǵyn úidiń terezeleri zaqymdanǵan.
Órt tolyqtai joiyldy. Zardap shekkender joq.
Júrgizýshi jalyn kúsheimei turyp avtokólik salonynan óz betinshe shyǵyp úlgergen.
