Shymkentte aýyr halde aýrýhanaǵa túsken 86 jastaǵy qariia koronavirýstan jazylyp shyqty. Jalǵas Sýlaimanov esimdi qariia 21 aqpan kúni aýyr halde juqpaly aýrýlar aýrýhanasyna túsken bolatyn, dep habarlaidy "Ult aqparat".
Dárigerler kompiýterlik tomografiianyń kómegimen juqpaly dert juqtyrǵan qart kisiniń ókpe tininiń 80% zaqymdanǵanyn anyqtaǵan. Meditsina mamandary naýqasty tez arada jansaqtaý bólimine jatqyzyp, jasandy tynys alý apparatyna qosqan. Virýsqa qarsy júrgizilgen terapiialyq emniń nátijesinde zeinetkerdiń jaǵdaiy jaqsaryp, 4 naýryzda jasandy tynys alý aparatynan alyndy.
«Naýqas aýrýhanaǵa KVI infektsiianyń aýyr dárejesimen tústi. Zeinetkerge antikogýliantty, gormonaldi, oksigenoterapiia emderi júrgizildi. Dertinen saýyqqan qart kisi endi úiine shyǵarylady»,-deidi juqpaly aýrýlar ortalyǵynyń dárigeri Marlan Qýanyshbekuly.
Al, bilikti dárigerlerdiń eńbegine qariianyń alǵysy sheksiz. Ol aq halattylarǵa alǵysyn aq batamen jetkizdi.
