شىمكەنتتە اۋىر حالدە اۋرۋحاناعا تٷسكەن 86 جاستاعى قارييا كوروناۆيرۋستان جازىلىپ شىقتى. جالعاس سۋلايمانوۆ ەسٸمدٸ قارييا 21 اقپان كٷنٸ اۋىر حالدە جۇقپالى اۋرۋلار اۋرۋحاناسىنا تٷسكەن بولاتىن, دەپ حابارلايدى "ۇلت اقپارات".
دەرٸگەرلەر كومپيۋتەرلٸك توموگرافييانىڭ كٶمەگٸمەن جۇقپالى دەرت جۇقتىرعان قارت كٸسٸنٸڭ ٶكپە تٸنٸنٸڭ 80% زاقىمدانعانىن انىقتاعان. مەديتسينا ماماندارى ناۋقاستى تەز ارادا جانساقتاۋ بٶلٸمٸنە جاتقىزىپ, جاساندى تىنىس الۋ اپپاراتىنا قوسقان. ۆيرۋسقا قارسى جٷرگٸزٸلگەن تەراپييالىق ەمنٸڭ نەتيجەسٸندە زەينەتكەردٸڭ جاعدايى جاقسارىپ, 4 ناۋرىزدا جاساندى تىنىس الۋ اپاراتىنان الىندى.
«ناۋقاس اۋرۋحاناعا كۆي ينفەكتسييانىڭ اۋىر دەرەجەسٸمەن تٷستٸ. زەينەتكەرگە انتيكوگۋليانتتى, گورمونالدٸ, وكسيگەنوتەراپييا ەمدەرٸ جٷرگٸزٸلدٸ. دەرتٸنەن ساۋىققان قارت كٸسٸ ەندٸ ٷيٸنە شىعارىلادى»,-دەيدٸ جۇقپالى اۋرۋلار ورتالىعىنىڭ دەرٸگەرٸ مارلان قۋانىشبەكۇلى.
ال, بٸلٸكتٸ دەرٸگەرلەردٸڭ ەڭبەگٸنە قارييانىڭ العىسى شەكسٸز. ول اق حالاتتىلارعا العىسىن اق باتامەن جەتكٸزدٸ.
