Shymkentte aldaǵy bes jylda 85 mektep salynbaq. Bul jaily qala ákimi Murat Áitenov Ortalyq kommýnikatsiialar qyzmetinde aitty, dep habarlaidy QazAqparat.
«Prezident bilim berý salasyna basymdyq berdi. Qazir qalada 7020 oryndyq 13 mekteptiń qurylysy júrgizilip jatyr. Jyl sońyna deiin 5100 oryndyq 8 mekteptiń qurylysy aiaqtalyp, paidalanýǵa beriledi», - dedi Murat Áitenov Ortalyq kommýnikatsiialar alańynda ótip jatqan baspasóz máslihatynda.
Ákimniń aitýynsha adaǵy 5 jylda 63 882 oryndyq 85 mekteptiń qurylysyn júrgizý boiynsha arnaiy jospar ázirlengen. Osynyń esebinen aýysymdy jáne apatty jaǵdaidaǵy mektepter máselesi tolyǵymen sheshiledi.
«Qashyqtyqtan oqýdy uiymdastyrý maqsatynda búginge deiin 47 330 kompiýter alyndy. Osynyń nátijesinde jyl basynda 28 oqýshyǵa bir kompiýterden ainalsa, qazir 4 oqýshyǵa bir kompiýter keledi. Memleket basshysynyń tapsyrmasy boiynsha osy jyly muǵalimder men tárbishilerdiń eńbekaqysy 25 paiyzǵa kóterildi. Kelesi jyly taǵy 25 paiyzǵa kóbeiedi», - dedi ol.
