Shymkentte 400 million teńgege memlekettik sýbsidiiany jymqyrý deregi anyqtaldy, dep habarlaidy QazAqparat.
Mal sharýashylyǵy salasyndaǵy qojalyq ielerine beriletin memlekettik kómek túrleriniń biri - sýbsidiia.
Sýbsidiia mal sharýashylyǵynyń ónimdiligin jáne ónim sapasyn arttyrýǵa tólenedi, mundaǵy basty maqsat - eldiń azyq-túlik qaýipsizdigin qamtamasyz etý.
Alaida, bul qarajatty maqsatsyz paidalaný derekteri de bar.
Máselen, Qarjylyq monitoring agenttiginiń Shymkent qalasy boiynsha aýmaqtyq departamenti biýdjet qarajatyn jymqyrǵan qala turǵynyn áshkereledi.
Tergeý kórsetkendei, zań buzýshy 2020-2021 jyldar aralyǵynda asyl tuqymdy iri qara mal satyp alý úshin aýyl sharýashylyǵy kásiporyndarymen jalǵan mámile jasaǵan.
Osydan keiin sýbsidiia alý úshin Shymkent qalasynyń aýyl sharýashylyǵy jáne veterinariia basqarmasyna sharttar usynǵan.
Zańsyz árekettiń nátijesinde 400 million teńgeden astam biýdjet qarajaty jymqyryldy.
Qazirgi ýaqytta qylmystyq is sotta qaralyp jatyr.
