Shymkent qalasynyń ákimi Murat Áitenov qaladaǵy 200 kósheniń boiy men 120 kóshe qiylysyna «Sergek» kameralary ornatylatynyn málim etti, dep habarlaidy "Ult aqparat".
«Memlekettik qyzmet kórsetý boiynsha Memleket basshysynyń «Halyq únine qulaq asatyn memleket» tujyrymdamasyn basty baǵdarda ustaimyz. Qazirgi tańda jergilikti atqarýshy organdar usynatyn memlekettik qyzmetterdi barynsha tsifrlandyrýǵa kóshirýdi qolǵa aldyq. Naqtyraq aitqanda qalada 165 qyzmet túrleriniń 88 paiyzyn elektrondy túrde alýǵa bolady. Osy jyldyń aiaǵyna deiin bul kórsetkish 95 paiyzǵa deiin jetkiziledi», - dedi Murat Áitenov OKQ-da ótken baspasóz máslihatynda.
Onyń aitýynsha azamattardyń ótinishi boiynsha áleýmettik máselelerdi shuǵyl sheshý úshin «109» jelisimen «iKomek» bailanys ortalyǵy iske qosylǵan. Ortalyq táýligine 24 saǵat demalyssyz halyqqa qyzmet kórsetedi. Biýdjetti josparlaýda ashyqtyqty qamtamasyz etý úshin 2021 jyldan bastap qaladaǵy 4 aýdan ákimdigi tarapynan «Halyq qatysatyn biýdjet» jobasy engiziledi. Qalanyń kez kelgen turǵyny «elektrondyq úkimettiń» veb-portalyna kirip, óz usynystaryn qaldyryp, keri jaýap alý múmkindigi jasaldy.
«Keler jyly sondai-aq memlekettik-jekeshelik áriptestik aiasynda 200 úlken kósheniń boiynda jáne 120 kóshe qiylysyna «Sergek» kameralaryn ornatý josparlanýda», - dep túidi Murat Áitenov.
