Shymkentte úsh turǵyn jalǵan shot-faktýra jasaǵany úshin sottaldy, - dep habarlaidy "Ult aqparat" Qarjylyq monitoring agenttigine silteme jasap.
"QMA Shymkent qalasy boiynsha departamentimen jalpy somasy 1,5 mlrd teńgeni quraityn jalǵan shot-faktýra jazýmen ainalysqan azamattar M.A.Ajibaevqa, A.O.Akynovqa jáne A.Aqynǵa qatysty qylmystyq is óndirispen aiaqtalyp, sotqa joldanǵan.
Sot úkimine sáikes, atalǵan tulǵalar kináli dep tanylyp, túpkilikti múlki tárkilenýmen kásipkerlik jáne qarjylyq qyzmetimen ainalysý quqyǵynan 7 jyl merzimge aiyryldy. Sondai-aq olarǵa 2 jylǵa bas bostandyǵynan aiyrý jazasy taǵaiyndaldy", - delingen habarlamada.
Sonymen qatar sottalǵandardyń biriniń atyna tirkelgen Toyota markaly avtokólik tárkilenip memleket menshigine ótkizildi.
