Foto: Pexels.com
Shymkentte bir jyldyń ishinde 23 memlekettik qyzmetker sybailas jemqorlyq áreketteri úshin sottaldy, dep habarlaidy Ult.kz Qazaqstan.tv telearnasyna silteme jasap.
Olardyń arasynda qala ákiminiń orynbasary, basqarma basshylary men ákimdik apparatynda jumys istegen laýazymdy qyzmetkerler de bar.
Tergeý barysynda olardyń kinásy tolyq dáleldenip, aldy 8 jarym jylǵa temir torǵa qamalsa, sońǵylary shartty jazaǵa kesilgen. Qazynaǵa 584 millilon teńge óndirildi.
Mamandardyń sózinshe, memlekettik qyzmetkerler arasynda sybailas jemqorlyq áreketteri burynǵy merzimdermen salystyrǵanda 35 paiyzǵa deiin ósken. Saldarynan qazynaǵa 1,6 milliard teńge shyǵyn kelgen. Sheneýnikter onyń 100 milliondai teńgesin para retinde paidalanǵan.
"Bizdiń sotta byltyr 3 is qaraldy. Onyń negizgi bóligi Shymkent qalalyq ákimshiliginiń qyzmetkerlerine qatysty boldy. Shymkent qalasynyń ákimi Isaqovqa qatysty is qaraldy. Shymkent qalasy Eńbekshi aýdany ákiminiń orynbasary Tlenshinge qatysty is qaraldy. Barlyq is aiaqtalyp, kinálilerge bas bostandyǵynan aiyrý jazasy taǵaiyndaldy", - deidi Qylmystyq ister jónindegi mamandandyrylǵan aýdanaralyq sotynyń tóraǵasy Samidin Temiráliev.
