Shymkent qalasyna respýblikalyq qala mártebesin alǵaly, iaǵni 2 jyldyń ishinde 1 trln teńge investitsiia tartylǵan. Bul týraly Ortalyq kommýnikatsiialar alańynda qala ákimi Murat Áitenov málim etti, dep habarlaidy "Ult aqparat".
«Elbasy Nursultan Ábishuly Nazarbaevtyń Jarlyǵymen Shymkenttiń respýblikalyq mańyzy bar qalalar sanatyna qosylǵanyna 2 jyldan astam ýaqyt ótti. Elbasy Jarlyqqa qol qoiar aldynda Shymkenttiń tek bizdiń eldiń ǵana emes, tutas Ortalyq Aziia aimaǵynyń damýyna yqpal etetin ortalyq bolatynyn atap ótken bolatyn. Qazirgi kúni bul tarihi sheshim qalamyzdyń bolashaǵy úshin úlken múmkindik ashty», - dedi Shymkent qalasynyń ákimi.
Murat Áitenovtyń aitýynsha, osydan 2 jyl buryn ónerkásip ónim kólemi 319 mlrd teńge bolsa, búgingi kúni 523 mlrd teńgege jetken. Respýblikalyq mártebe alǵaly qalaǵa 1 trln teńge investitsiia tartylǵan. 1,3 millonnan astam sharshy metr turǵyn úi paidalanýǵa berilip, belsendi kásipkerlerdiń úlesi 71 paiyzdan 88 paiyzǵa jetken. Qala biýdjeti 131,2 mlrd teńgeden 455,4 mlrd teńgege deiin ulǵaidy.
