Shymkent qalasynda koronavirýs tabylǵan soń qalanyń kireberisine 12 blokpost qoiyldy.
Politseiler men dárigerler Shymkentke kiretin árbir kólikti toqtatyp, adamdardyń dene qyzýyn ólshep jatyr. Jergilikti ákimdiktiń habarlaýynsha, bul beketterde politsiia, dárigerler, jedel-járdem, tótenshe jaǵdai qyzmetkerleri táýlik boiy qyzmet etedi.
24 naýryz keshkisin Shymkentte 1996 jyly týǵan adamnan koronavirýs tabylǵan. Resmi derek boiynsha, ol qalaǵa birneshe kún buryn Nur-Sultannan kelgen.
Qazaqstanda koronavirýsqa bailanysty 15 sáýirge deiin tótenshe jaǵdai. 19 naýryzdan bastap Almaty men Nur-Sultan qalalary karantinge kóshti. Osydan keiin eki qalada oqityn ia ýaqytsha júrgen adamdar óz qalalaryna jappai qaita bastaǵan.
Qazirgi derek boiynsha, Qazaqstanda 79 adam koronavirýs juqtyrǵan. Almatyda - 31 adam, Nur-Sultanda - 41 adam, Qaraǵandyda - 2 adam, Almaty oblysynda - bir adam, Aqtóbe oblysynda - bir adam, Shymkentte - bir adam, Jambyl oblysynda - bir adam, Soltústik Qazaqstan oblysynda bir adam emdelip jatyr.
