12 kásipker Básekelestikti qorǵaý jáne damytý agenttiginiń tamaq ónimderine baǵalar boiynsha habarlamalaryn merziminen buryn oryndady, dep habarlaidy "Ult aqparat" vedomstvonyń baspasóz qyzmetine silteme jasap.
Osy aptada áleýmettik mańyzy bar azyq-túlik taýarlarynyń baǵasyna monitoring jasaý barysynda Básekelestikti qorǵaý jáne damytý agenttigi naryq sýbektilerine, olardyń is-áreketterinde zańnamany buzý belgileriniń bolýy týraly 14 jańa habarlama jiberdi. Olardyń tórteýi SQO-daǵy taýyq jumyrtqasy boiynsha; tórteýi - Jambyl, BQO oblystary boiynsha qant salasy boiynsha; úsheýi- ShQO, SQO, Atyraý oblystarynda kúnbaǵys maiy; ekeýi sút ónimi boiynsha, bireýi Shymkenttegi qus etine bailanysty.
«Buryn shyǵarylǵan 25 habarlamany eseptegende jalpy sany 39-ǵa jetti. Onyń ishinde 12 habarlama - QR Básekelestikti qorǵaý salasyndaǵy zańnamasyn buzý belgilerin joiý boiynsha sharalar qabyldaý týraly oryndaldy (5 - Shymkent qalasynda, Qostanai, Atyraý, Jambyl oblystarynda taýyq jumyrtqasy boiynsha, 3 - Jambyl jáne Qaraǵandy oblystarynda qant boiynsha, 2 - Qaraǵandy oblysynda qaraqumyq jarmasy boiynsha, 1 - Shymkent qalasynda kúnbaǵys maiy boiynsha, 2 – Shymkent qalasynda, Qaraǵandy oblysynda kúnbaǵys maiy boiynsha).
Bul rette, 12 naryq sýbektisi habarlamalardy oryndap, baǵany belgilengen 30 kúndik merzimnen buryn tómendetkenni atap ótken jón», delingen habarlamada.
Agenttiktiń málimetinshe, statistikalyq derekterge sáikes, 25 naýryzdaǵy jaǵdai boiynsha taýyq jumyrtqasynyń baǵasy tómendep keledi. Apta ishinde, 16 - 25 naýryz aralyǵynda jumyrtqa baǵasy 0,2%-ǵa tómendegen.
Vedomstvo básekelestikti qorǵaý salasyndaǵy zańnamanyń buzylýyna qatysty 6 tergep-tekserý júrgizip jatyr (2-ýi nanǵa qatysty, 2-ýi – kúnbaǵys maiy, 2 – saýda jelisine qatysty).
