Shymkent prokýratýrasy 35 kúdikti isin sotqa berdi. Bul týraly QR Bas prokýratýrasy 1-qyzmet bastyǵynyń orynbasary Eldos Qilymjanov aitty, dep habarlaidy QazAqparat.
«Qyzylorda oblysynda áskeri Qaisarov qaza bolǵan terrorizm faktisi boiynsha sot protsesi jalǵasýda. Shymkent qalasynyń prokýratýrasymen 35 kúdikti sotqa berildi. Olar qańtardyń 4-nen 5-ne qaraǵan túni ortalyq alańda politsiianyń qyzmettik avtokólikterin qiratty, metall armatýramen qarýlanyp, quqyq qorǵaý qyzmetkerlerine qatysty zorlyq-zombylyq jasady, sodan keiin ákimdik ǵimaratyna shabýyl jasaýǵa belsendi túrde qatysty», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, sot úkimimen atalǵan adamdarǵa túrli jazalaý sharalary taǵaiyndaldy.
«Osy áreketterdiń maqsaty halyq arasynda úrei men qorqynyshty týǵyzý, jaǵdaidy turaqtandyrý boiynsha memlekettik organdardyń jumysyna kedergi jasaý bolǵan», - dedi Bas prokýratýra ókili.
