شىمكەنت پروكۋراتۋراسى 35 كٷدٸكتٸ ٸسٸن سوتقا بەردٸ. بۇل تۋرالى قر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى, دەپ حابارلايدى قازاقپارات.
«قىزىلوردا وبلىسىندا ەسكەري قايساروۆ قازا بولعان تەرروريزم فاكتٸسٸ بويىنشا سوت پروتسەسٸ جالعاسۋدا. شىمكەنت قالاسىنىڭ پروكۋراتۋراسىمەن 35 كٷدٸكتٸ سوتقا بەرٸلدٸ. ولار قاڭتاردىڭ 4-نەن 5-نە قاراعان تٷنٸ ورتالىق الاڭدا پوليتسييانىڭ قىزمەتتٸك اۆتوكٶلٸكتەرٸن قيراتتى, مەتالل ارماتۋرامەن قارۋلانىپ, قۇقىق قورعاۋ قىزمەتكەرلەرٸنە قاتىستى زورلىق-زومبىلىق جاسادى, سودان كەيٸن ەكٸمدٸك عيماراتىنا شابۋىل جاساۋعا بەلسەندٸ تٷردە قاتىستى», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, سوت ٷكٸمٸمەن اتالعان ادامدارعا تٷرلٸ جازالاۋ شارالارى تاعايىندالدى.
«وسى ەرەكەتتەردٸڭ ماقساتى حالىق اراسىندا ٷرەي مەن قورقىنىشتى تۋعىزۋ, جاعدايدى تۇراقتاندىرۋ بويىنشا مەملەكەتتٸك ورگانداردىڭ جۇمىسىنا كەدەرگٸ جاساۋ بولعان», - دەدٸ باس پروكۋراتۋرا ٶكٸلٸ.
