Qazaq radiosynyń 100 jyldyq mereitoiyna orai Shymkenttegi kóshege radio ataýy berildi, dep habarlaidy "Ult aqparat".
Qazaq radiosy ujymynyń usynysyn qala ákimi Murat Áitenov qoldap, qalalyq máslihat otyrysynda sheshim qabyldandy. Kósheniń uzyndyǵy - 1900 metr.
Saltanatty ashylý rásimine arnalǵan sharaǵa Shymkent qalasy ákiminiń birinshi orynbasary Shyńǵys Muqan, satirik, radio ardageri Kópen Ámirbek, radio ardageri Saýyq Jaqanova, «Qazaq radiolary» JShS Almaty stýdiiasynyń jetekshisi Baqyt Jaǵyparuly, «Shalqar» radiosynyń direktory Bolatbek Tólepbergen jáne ziialy qaýym ókilderi qatysty. Shymkent - radio atyna kóshe berip otyrǵan elimizdegi alǵashqy qala.
«Shymkent qalasynyń ákimi M.Áitenovtiń usynysymen, qalalyq máslihattyń hatshysy Bahadyr Narymbetov bastaǵan depýtattardyń qoldaýymen «Qazaq radiosyna» kóshe aty berildi. Búgin Assambleia zalynda «Shymkentten sóilep turmyz» atty shaǵyn kontsert ótedi. Qazaq únin 100 jyldan beri darhan dalamyzǵa jetkizip kele jatqan «Qazaq radiosynyń» ǵasyrlyq mereitoiy qutty bolsyn!», - dedi qala ákiminiń orynbasary Sh.Muqan saltanatty rásimde sóilegen sózinde.
Sonymen qosa Qyzylorda qalasynan da kóshelerdiń birine Qazaq radiosynyń aty berildi. Oblystyq máslihat sheshimi jaqyn kúnderi Ádilet basqarmasynan tirkeýden ótip, qaladaǵy burynǵy «Saiahat-11» kóshesi «Qazaq radiosy» kóshesi bolyp qaita atalady. Qyzylorda qalasyndaǵy Qazaq radiosy kóshesiniń uzyndyǵy – 400 metr. Radio elimizdiń sol kezdegi astanasy Aqmeshitten 1925 jyldary áýe tolqynyna shyqqan.
Qazaq radiosy 1921 jyldyń qazan aiynda ult ustazy Ahmet Baitursynulynyń bastamasymen Orynbor qalasynan aqparat tarata bastady. Radionyń 100 jyldyǵyn atap ótý boiynsha is-sharalar jospary bekip, biyl jyl boiy rýhani-mádeni jobalar júzege asady.
