قازاق راديوسىنىڭ 100 جىلدىق مەرەيتويىنا وراي شىمكەنتتەگٸ كٶشەگە راديو اتاۋى بەرٸلدٸ, دەپ حابارلايدى "ۇلت اقپارات".
قازاق راديوسى ۇجىمىنىڭ ۇسىنىسىن قالا ەكٸمٸ مۇرات ەيتەنوۆ قولداپ, قالالىق مەسليحات وتىرىسىندا شەشٸم قابىلداندى. كٶشەنٸڭ ۇزىندىعى - 1900 مەتر.
سالتاناتتى اشىلۋ رەسٸمٸنە ارنالعان شاراعا شىمكەنت قالاسى ەكٸمٸنٸڭ بٸرٸنشٸ ورىنباسارى شىڭعىس مۇقان, ساتيريك, راديو ارداگەرٸ كٶپەن ەمٸربەك, راديو ارداگەرٸ ساۋىق جاقانوۆا, «قازاق راديولارى» جشس الماتى ستۋديياسىنىڭ جەتەكشٸسٸ باقىت جاعىپارۇلى, «شالقار» راديوسىنىڭ ديرەكتورى بولاتبەك تٶلەپبەرگەن جەنە زييالى قاۋىم ٶكٸلدەرٸ قاتىستى. شىمكەنت - راديو اتىنا كٶشە بەرٸپ وتىرعان ەلٸمٸزدەگٸ العاشقى قالا.
«شىمكەنت قالاسىنىڭ ەكٸمٸ م.ەيتەنوۆتٸڭ ۇسىنىسىمەن, قالالىق مەسليحاتتىڭ حاتشىسى باحادىر نارىمبەتوۆ باستاعان دەپۋتاتتاردىڭ قولداۋىمەن «قازاق راديوسىنا» كٶشە اتى بەرٸلدٸ. بٷگٸن اسسامبلەيا زالىندا «شىمكەنتتەن سٶيلەپ تۇرمىز» اتتى شاعىن كونتسەرت ٶتەدٸ. قازاق ٷنٸن 100 جىلدان بەرٸ دارحان دالامىزعا جەتكٸزٸپ كەلە جاتقان «قازاق راديوسىنىڭ» عاسىرلىق مەرەيتويى قۇتتى بولسىن!», - دەدٸ قالا ەكٸمٸنٸڭ ورىنباسارى ش.مۇقان سالتاناتتى رەسٸمدە سٶيلەگەن سٶزٸندە.
سونىمەن قوسا قىزىلوردا قالاسىنان دا كٶشەلەردٸڭ بٸرٸنە قازاق راديوسىنىڭ اتى بەرٸلدٸ. وبلىستىق مەسليحات شەشٸمٸ جاقىن كٷندەرٸ ەدٸلەت باسقارماسىنان تٸركەۋدەن ٶتٸپ, قالاداعى بۇرىنعى «ساياحات-11» كٶشەسٸ «قازاق راديوسى» كٶشەسٸ بولىپ قايتا اتالادى. قىزىلوردا قالاسىنداعى قازاق راديوسى كٶشەسٸنٸڭ ۇزىندىعى – 400 مەتر. راديو ەلٸمٸزدٸڭ سول كەزدەگٸ استاناسى اقمەشٸتتەن 1925 جىلدارى ەۋە تولقىنىنا شىققان.
قازاق راديوسى 1921 جىلدىڭ قازان ايىندا ۇلت ۇستازى احمەت بايتۇرسىنۇلىنىڭ باستاماسىمەن ورىنبور قالاسىنان اقپارات تاراتا باستادى. راديونىڭ 100 جىلدىعىن اتاپ ٶتۋ بويىنشا ٸس-شارالار جوسپارى بەكٸپ, بيىل جىل بويى رۋحاني-مەدەني جوبالار جٷزەگە اسادى.
