Shymkent qalasy ákimdigi men máslihat depýtattary qala mártebesi týraly birlesken sheshim qabyldady, dep habarlaidy ákimdiktiń resmi saity.
Qalalyq máslihattyń kezekten tys jiyrma toǵyzynshy sessiiasyna Ońtústik Qazaqstan oblysy ákimi Janseiit Túimebaev, qala ákimi Nurlan Saýranbaev, qalalyq máslihat depýtattary men qala belsendileri qatysqan.
"Sessiiada Shymkent qalasynyń ákimdigi men máslihaty Shymkent qalasyna respýblikalyq mańyzy bar qala mártebesin berýge usynys jasaý týraly birlesken sheshimge qol qoidy. Endi bul qujat Ońtústik Qazaqstan oblystyq máslihatynyń qaraýyna usynylady", — delingen habarlamada.
Halyq qalaýlylarynyń aldynda sóz sóilegen Shymkent qalasynyń ákimi Nurlan Saýranbaev "Sessiiada tarihi qujatqa qol qoiyldy, bul Shymkenttiń respýblikalyq mańyzy bar qala mártebesin alýda aýqymdy jumystyń bastaýy boldy" dep atap ótti.
Respýblikalyq mańyzy bar qala mártebesi jańa múmkindikterge jol ashpaq. Mundai ózgeris qalanyń damýyna, sondai-aq, megapolistiń ár turǵynyna da oń áser alyp keledi.
"Alda jospar kóp, olardyń barlyǵy máslihat depýtattary men qala turǵyndarynyń qoldaýymen ǵana júzege asady", — dep Shymkent qalasy ákimi Nurlan Saýranbaev sessiiany qorytyndylady.
