Shymkenttiń bas dárigeri Baqytjan Pozilov qala turǵyndaryna úndeý jasady, dep habarlaidy "Ult aqparat".
«Infektsiianyń taralýyn boldyrmaý maqsatynda saqtyq sharalaryn qatań ustaný qajettigin eskertemiz. Araqashyqtyqty saqtap, betperde taǵyp, adam kóp shoǵyrlanǵan oryndarǵa barmai, saqtyq sharalaryn ustanýǵa shaqyramyz. Koronavirýs infektsiiasyna shaldyqqan naýqaspen bailanysta bolǵan azamattar úide otyryp, karantin talaptaryn ustaýy tiis. Qajet jaǵdaida jergilikti emhana mamandary naýqaspen bailanysta bolǵan azamattarǵa eńbekke jaramsyzdyq qaǵazyn ashyp bere alady», - deidi Baqytjan Pozilov.
Aita keteiik, kúni keshe Shymkent qalasy jasyl aimaqtan sary aimaqqa ótken bolatyn. Shaharda sońǵy táýlikte indet juqtyrýdyń 96 jaǵdaiy tirkelip, 60 adam infektsiialyq statsionarǵa jatqyzylǵan.
