شىمكەنتتٸڭ باس دەرٸگەرٸ باقىتجان پوزيلوۆ قالا تۇرعىندارىنا ٷندەۋ جاسادى, دەپ حابارلايدى "ۇلت اقپارات".
«ينفەكتسييانىڭ تارالۋىن بولدىرماۋ ماقساتىندا ساقتىق شارالارىن قاتاڭ ۇستانۋ قاجەتتٸگٸن ەسكەرتەمٸز. اراقاشىقتىقتى ساقتاپ, بەتپەردە تاعىپ, ادام كٶپ شوعىرلانعان ورىندارعا بارماي, ساقتىق شارالارىن ۇستانۋعا شاقىرامىز. كوروناۆيرۋس ينفەكتسيياسىنا شالدىققان ناۋقاسپەن بايلانىستا بولعان ازاماتتار ٷيدە وتىرىپ, كارانتين تالاپتارىن ۇستاۋى تيٸس. قاجەت جاعدايدا جەرگٸلٸكتٸ ەمحانا ماماندارى ناۋقاسپەن بايلانىستا بولعان ازاماتتارعا ەڭبەككە جارامسىزدىق قاعازىن اشىپ بەرە الادى», - دەيدٸ باقىتجان پوزيلوۆ.
ايتا كەتەيٸك, كٷنٸ كەشە شىمكەنت قالاسى جاسىل ايماقتان سارى ايماققا ٶتكەن بولاتىن. شاھاردا سوڭعى تەۋلٸكتە ٸندەت جۇقتىرۋدىڭ 96 جاعدايى تٸركەلٸپ, 60 ادام ينفەكتسييالىق ستاتسيونارعا جاتقىزىلعان.
