Videodan alynǵan kadr
Shymkent qalasynyń ákimi Murat Áitenovtiń qansha jalaqy alatyny belgili boldy. Bul týraly ol jýrnalist Ashat Niiazovtyń "Obojaiý" YouTube-arnasyndaǵy suhbatta aitty, - dep habarlaidy "Ult aqparat" Massaget.kz portalyna silteme jasap.
"Meniń jalaqym - 1 million 800 myń teńge", - dep jaýap berdi ákim.
Keiin Áitenov qala turǵyndarynyń ortasha jalaqysyna toqtaldy.
"Qala turǵyndarynyń ortasha jalaqysy - 234 myń teńge", - deidi Áitenov.
Shahar basshysy jalaqysynyń kóp bolý sebebin de túsindirgen.
"Men búkil qalaǵa jaýap beremin. Kúnine "600 milliard" sheshim qabyldaimyn. Men "baspen jaýap beretin" sheshimder qabyldaimyn. Kez kelgen másele týyndasa kim jaýap beredi? Ákim. Men ulttyq kompaniiaǵa ornalasyp, 5-10 million teńge jalaqy ala alamyn. Maǵan óz halqyma qyzmet etýge múmkindik berildi. Sol qyzmetti atqaryp otyrmyn", - deidi ákim.
Sonymen qatar, Murat Áitenov Shymkentte qyzmettik páterde turatynyn, al Astanada baspanasy bar ekenin aitady.
