Foto: Akorda.kz
Prezident Shymkent qalasynyń ákimi Ǵabit Syzdyqbekovti qabyldady, - dep habarlaidy "Ult aqparat" Aqordaǵa silteme jasap.
Memleket basshysyna Shymkent qalasynyń 2023 jylǵy áleýmettik-ekonomikalyq damýy jóninde esep berildi.
Ótken jyldyń qorytyndysy boiynsha negizgi kapitalǵa salynǵan investitsiia kólemi 26 paiyzǵa artyp, 724,3 milliard teńgeni quraǵan. Byltyr 1 milliard 51 million teńgeniń ónerkásiptik ónimi óndirilgen. Qurylys salasy aitarlyqtai jandanyp, 1 million sharshy metrden astam turǵyn úi paidalanýǵa berilgen.
Qala ákiminiń aitýynsha, óńirde ónerkásip salasyn damytý úshin jalpy aýmaǵy 867 gektar bolatyn 5 óndiristik aimaqqa infraqurylym tartý jumystary qolǵa alynyp, investitsiialyq jobalardyń pýly jasaqtalǵan.
Shaharda qazirgi ýaqytta 128 myńnan astam shaǵyn jáne orta biznes sýbektisi jumys isteidi. Bul 2022 jylmen salystyrǵanda 16,4 paiyzǵa kóp. Kásipkerlikti damytý úshin 3498 jobaǵa jalpy somasy 19,8 milliard teńge kóleminde qoldaý kórsetilgen.
Sonymen qatar Prezidentke Shymkent shaharynyń infraqurylymyn jańǵyrtý jumystarynyń barysy jóninde baiandaldy. Atap aitqanda, qalada jańa áýejai terminalynyń qurylysy jáne temirjol vokzalyn rekonstrýktsiialaý jumystary júrgizilip jatyr. Budan bólek, Shymkentte «Izetti zeinetker» saýyqtyrý ortalyǵy, Kongress holl, Ústel tennisi kesheni jáne jańa ippodrom siiaqty nysandar boi kótergen. Byltyr úsh mektepke qosymsha ǵimarat, Oqýshylar saraiy jáne Balalarǵa arnalǵan shyǵarmashylyq ortalyq paidalanýǵa berilgen. «Jaily mektep» ulttyq jobasy aiasynda 28 myń oqýshyǵa arnalǵan 18 bilim berý mekemesiniń qurylysy bastalǵan.
Sonymen qatar Memleket basshysyna jol-kólik infraqurylymyn damytý barysy baiandaldy. Qala ákimi 233 shaqyrym jolǵa jóndeý jumystary júrgizilip, úlken jolaiyryq paidalanýǵa berilgenin aitty. Sondai-aq qoǵamdyq qaýipsizdikti qamtamasyz etý maqsatynda biyl qala kóshelerine 3000 beinebaqylaý kamerasyn ornatý, 1000-ǵa jýyq kósheni jaryqtandyrý josparlanyp otyr. Sońǵy jyldary osyndai júieli sharalardyń nátijesinde qylmys sany 33 paiyzǵa azaiǵan.
Budan bólek, Prezidentke memleket menshigine qaitarylǵan nysandar týraly málimet berildi. Atap aitqanda, jyldar boiy qaraýsyz qalǵan burynǵy Fosforshylar saraiy qala balansyna qaitaryldy. Ortalyqtaǵy «Spýtnik» gúlzary memleket menshigine ótip, demeýshiler esebinen qaita abattandyryldy.
Kezdesý sońynda Qasym-Jomart Toqaev Ǵabit Syzdyqbekovke qala ekonomikasyn odan ári ártaraptandyrý, qosymsha investitsiia tartý, sondai-aq shaǵyn jáne orta biznesti qoldaý sharalaryn kúsheitý jóninde naqty tapsyrmalar berdi.
