17 qyrkúiek kúni B.Imashevtyń tóraǵalyǵymen Qazaqstan Respýblikasy Ortalyq sailaý komissiiasynyń otyrysy boldy.
OSK músheleri Shymkent qalasynan Qazaqstan Respýblikasy Parlamenti Senatynyń depýtattyǵyna kandidattardy usyný jáne tirkeý qorytyndylaryn qarady.
Ortsailaýkom bekitken Qazaqstan Respýblikasy Parlamenti Senatynyń depýtattaryn sailaýdy ázirleý men ótkizý jónindegi negizgi is-sharalardyń kúntizbelik josparyna sai kandidattardy usyný aǵymdaǵy jylǵy 11 tamyzdan bastap 4 qyrkúiek aralyǵyndaǵy kezeńde boldy. Kandidattardy tirkeý 14 qyrkúiekte aiaqtaldy.
Shymkent qalasynyń aýmaqtyq sailaý komissiiasynyń derekteri boiynsha barlyǵy 9 kandidat usynyldy. Onyń ishinde 2 adamdy Shymkent qalasynyń máslihaty usyndy, 7 – ózin-ózi usyný tártibimen.
QR Parlamenti Senatynyń depýtattyǵyna 8 kandidat tirkeldi. Tirkelgen kandidattardyń sailaý aldyndaǵy úgiti 15 qyrkúiekte bastalyp, 4 qazan kúngi 00-00 saǵatqa deiin ótkiziledi.
Jalpy sailaý naýqany Qazaqstan Respýblikasynyń sailaý zańnamasyna sáikes ótýde.
Otyrys barysynda OSK músheleri sondai-aq 5 qazanda QR Parlamenti Senatynyń depýtattaryn sailaýdy elektrondyq súiemeldeý úshin Ortsailaýkomnyń internet-resýrsy fýnktsionalyn paidalaný týraly máseleni qarady.
Qazaqstan Respýblikasy Prezidentiniń Jarlyǵyna sai 2018 jylǵy 5 qazanda Shymkent qalasynan Qazaqstan Respýblikasy Parlamenti Senatynyń depýtattaryn sailaý bolatynyn esterińizge salamyz. Sailaý Parlament Senaty depýtattarynyń eki mandaty boiynsha bir mezgilde ótkiziletin bolady. Shymkent qalasynan sailanatyn Parlament Senaty depýtattarynyń ókilettik merzimi 2014 jáne 2017 jyldary respýblikanyń basqa óńirlerinen sailanǵan Senat depýtattarynyń ókilettik merzimine sáikes keletin bolady.
