Memleket basshysy Qasym-Jomart Toqaevtyń Jarlyǵymen Erlan Aitahanov Shymkent qalasynyń ákimi bolyp taǵaiyndaldy, dep habarlaidy "Ult aqparat" Aqordaǵa silteme jasap.
Erlan Aitahanov 1971 jyly Ońtústik Qazaqstan oblysy Otyrar aýdanynda týǵan.
Eńbek jolyn 1994 jyly «Alem Bank Kazakstan» kredit berý departamentiniń ekonomisi bolyp bastaǵan.
1995-2012 jyldary Ortalyq Aziia yntymaqtastyq jáne damý bankiniń kredit berý departamentiniń bas mamany, «Qazaqstan temir joly» respýblikalyq memlekettik kásiporny bóliminiń bastyǵy, «Qazaqstan temir joly» respýblikalyq memlekettik kásiporny «Jolaýshylar tasymaly» enshiles memlekettik kásiporny direktorynyń orynbasary, «Qazaqstan temir joly» respýblikalyq memlekettik kásiporny qarjy jáne býhgalterlik esep bas basqarmasynyń bastyǵy, ekonomika, qarjy jáne býhgalterlik esep departamentiniń bastyǵy bolyp jumys istegen.
Odan keiin Qazaqstan Respýblikasy kólik jáne kommýnikatsiia ministrligi qarjylyq retteý departamenti direktorynyń orynbasary, Qazaqstan Respýblikasy tabiǵi monopoliialardy retteý jáne básekelestikti qorǵaý agenttigi tóraǵasynyń keńesshisi, Almaty qalasy tarifter jónindegi basqarmasynyń bastyǵy, tabiǵi monopoliialardy retteý jáne básekelestikti qorǵaý departamentiniń direktory, Qazaqstan Respýblikasy qarjy ministrligi Aqmola oblysy boiynsha qarjy baqylaý inspektsiiasynyń bastyǵy, Ońtústik Qazaqstan oblysy ákiminiń orynbasary, Qazaqstan Respýblikasy Prezidenti ákimshiliginiń memlekettik inspektory qyzmetterin atqarǵan. 2014-2016 jyldary Ońtústik Qazaqstan oblysy ákiminiń orynbasary boldy.
2016 jyldan bastap osy kúnge deiin Túrkistan oblysy Otyrar aýdanynyń ákimi qyzmetin atqaryp keldi.
