Foto: elements.envato.com
Almaty oblysynda jol talǵamaityn kólik pen júk kóligi soqtyǵysyp, saldarynan Shymkent Energetika jáne infraqurylymdy damytý basqarmasy basshysynyń orynbasary qaza tapty, - dep habarlaidy Kazinform.
Almaty oblystyq Politsiia departamentinen málim etkendei, 18 jeltoqsan saǵat 8:00-de Almaty-Bishkek tasjolynda 31 jastaǵy Lexus LX 470 kóliginiń júrgizýshisi rólge ie bola almai, qarsy jolaqqa shyǵyp ketip, ainalma joldan kele jatqan Volvo júk kóligimen soqtyǵysqan.
«Jol apaty saldarynan Lexus júrgizýshisi alǵan jaraqattarynan oqiǵa ornynda kóz jumdy. Kólikte bolǵan 1991, 2015, 2018, 2021 jyly týǵan balalar túrli dene jaraqattarymen Uzynaǵash aýylyndaǵy aýrýhanaǵa jetkizildi. Atalǵan derek QR Qylmystyq kodeksiniń 345-baby boiynsha Jambyl aýdandyq politsiia bóliminde tirkeldi. Oqiǵanyń barlyq mán-jaiyn anyqtaý úshin sot-meditsinalyq saraptama taǵaiyndaldy», - dep habarlady oblystyq Politsiia departamentiniń baspasóz qyzmeti.
Keiin jol talǵamaityn kólikti Shymkent qalalyq Energetika jáne infraqurylymdy damytý basqarmasy basshysynyń orynbasary Maqsat Abdýqadirov tizgindegeni belgili boldy.
Bul aqparatty qala ákimdiginiń baspasóz qyzmeti de rastady.
