Shymkent qalasynyń avtokólikterine «17» memlekettik nómiri berilip, júrgizýshi kýálikterine «Y» literi basylady, dep habarlaidy "Ult aqparat" QR IIM Ákimshilik politsiia komitetiniń baspasóz qyzmetine silteme jasap.
«Búgin ishki ister ministriniń buiryǵy resmi jariialandy. Oǵan sáikes, vedomstvonyń keibir normativtik-quqyqtyq aktilerine ózgeris engiziledi. Atap aitqanda, Shymkent qalasy óńirin belgileý úshin «17» sany qoldanylady. Shymkentten beriletin júrgizýshi kýálikterine «Ú» literi basylady. Túrkistan oblysy «13» memlekettik nómirinde jáne «H» literinde qala bermek», - dep málimdedi baspasóz qyzmeti.
Komitet ókilderiniń aitýynsha, atalǵan buiryq búgin ǵana resmi jariialandy. Resmi jariialanǵannan keiin 10 kúnnen soń - 24 shildede kúshine enedi.
«Sol kúnnen bastap Shymkentte tirkelgen kólik quraldaryna jańa memlekettik nómir belgileri berile bastaidy», - deidi komitet ókilderi.
Eske sala keteiik, 2018 jylǵy 19 maýsymda Qazaqstan Prezidenti Nursultan Nazarbaev Shymkentke respýblikalyq mańyzy bar qala mártebesin bergen bolatyn.
