Shymkent áýejaiy satylymǵa qoiyldy, dep habarlaidy QazAqparat.
Shymkent qalasynyń jolaýshylar kóligi jáne avtojoldar bóliminiń teńgerimindegi Shymkent áýejaiy satylymǵa shyqty.
Áýejai senimgerlik basqarýǵa arnalǵan tender boiynsha satyp alý quqyǵymen berilmek.
Bastapqy baǵasy - 5 695 225 000,00 teńge. Qazir qujat qabyldaý bastaldy.
Satylym 9 aqpan kúni saǵat 10:00-de ótedi.
Tender sharttaryna sáikes satyp alýshy:
- áýejaidy senimgerlik basqarý kezeńinde áýejai qyzmetiniń beiinin saqtaýǵa;
- senimgerlik basqarý kezeńinde áýejaidyń tehnikalyq jai-kúiin jaqsartýǵa (óndiristik úi-jailardy qańǵyrtý, perron jabyndysyn rekonstrýktsiialaý, tehnikalardy jańǵyrtý) jáne áýejaidyń infraqurylymyn azamattyq aviatsiia salasyndaǵy qazirgi zamanǵy standarttarǵa keltirý maqsatynda jańǵyrtýǵa;
- zańnama talaptaryna sáikes, senimgerlik basqarý sharty zańdy kúshine engen kúnnen bastap jolaýshylar aǵynyn ulǵaitý jáne ushý geografiiasyn keńeitý maqsatynda, iaǵni perrondy qaita qurý jáne jańa jolaýshylar terminalyn paidalanýǵa berý úshin kadastrlik №22-327-023-029 jer ýchaskesin (aýdany 6 Ga jer ýchaskesi(peron)) ielikten shyǵarý boiynsha jumystardy uiymdastyrýǵa
- áýejaidyń jaramdylyq sertifikatyn ustap turý jáne ushý qaýipsizdigin qamtamasyz etý úshin sertifikattaý talaptaryn qamtamasyz etýge (jaramdylyq sertifikatyn usyný);
- jumys oryndar sanyn saqtaý jáne qajet bolǵan jaǵdaida jańa jumys oryndaryn ashýǵa;
- áýejaidan marshrýttyq jelini damytý arqyly áýejai kórsetetin jumystar men kórsetetin qyzmetterdiń kólemin ulǵaitýǵa;
- tabiǵat qorǵaý is-sharalaryn júrgizýge;
- aviatsiia personalynyń biliktiligin arttyrýǵa, olardy oqytýǵa, qaita daiarlaýǵa;
- obektiniń kommýnaldyq qyzmetterimen kelisim-sharttardy jasasýdy qamtamasyz etýge (sý, gaz, elektr qýatymen qamtamasyz etý, qatty turmystyq qaldyqtardy shyǵarý jáne t.b.) mindetti.
