Shymkent qalasy ákiminiń ókimimen Sadyr Erbol Ábilhaiyruly qala ákiminiń orynbasary bolyp taǵaiyndaldy, dep habarlady qalalyq ákimdiktiń baspasóz qyzmeti.
Buǵan deiin Túrkistan oblysy ákiminiń orynbasary qyzmetin atqaryp kelgen jańa qala ákiminiń orynbasaryn Erlan Aitahanov apparattyq májiliste tanystyryp, qalanyń damýy jolyndaǵy eńbegine tabys tiledi.
Erbol Ábilhaiyruly 1973 jyly týǵan, bilimi joǵary, mamandyǵy boiynsha ekonomist.
Eńbek jolyn 1994 jyldan Sozaq aýdandyq ortalyq aýrýhanasy bas dárigeriniń ekonomika jónindegi orynbasary bolyp bastaǵan.
1995-2009 jyldary Sozaq aýdany ákimshiligi ekonomika bóliminiń bas mamany, meńgerýshisi, ekonomika, shaǵyn jáne orta biznesti qoldaý, kásipkerlikti qoldaý jáne damytý jónindegi bólimderiniń meńgerýshisi, oblystyq kásipkerlikti qoldaý jónindegi basqarma bastyǵynyń orynbasary, oblystyq ekonomika jáne biýdjettik josparlaý basqarmasy investitsiialyq saiasat bóliminiń bastyǵy, Ońtústik Qazaqstan oblysy ekonomika jáne biýdjettik josparlaý basqarmasynyń bastyǵy qyzmetterin atqarǵan.
2013 jylǵy 22 mamyrdan - Ońtústik Qazaqstan oblysy ákiminiń orynbasary.
2017 jyldyń 14 qyrkúieginen búgingi kúnge deiin Túrkistan oblysy ákiminiń orynbasary qyzmetin atqaryp kelgen.
Shymkent qalasy ákiminiń orynbasary Erbol Ábilhaiyruly óz qyzmetinde kásipkerlik, aýylsharýashylyq, týrizm jáne tsifrlandyrý men tabiǵatty qorǵaý salalaryna jetekshilik etetin bolady.
