Shymkentke QR Eńbek jáne halyqty áleýmettik qorǵaý vitse-ministri Erjan Jylqybaev jumys saparymen keldi, dep habarlaidy "Ult aqparat" qala basshysynyń resmi saityna silteme jasap.
Sapar aiasynda vitse-ministr Shymkent qalasynyń əkimi Erlan Aitahanovpen birge qaladaǵy áleýmettik kómek berý baǵytyndaǵy jumystarmen tanysty.
Aita ketsek, memleket tarapynan kóp balaly analardyń ál-aýqatyn arttyrý maqsatynda memlekettik járdemaqy taǵaiyndalýda.
Al ataýly áleýmettik kómek 2020 jyldyń 1 qańtarynan bastap jańa formatta tólenedi.
Birinshiden, AÁK-ke qujat ár úsh ai saiyn qabyldanady jáne komissiia sheshimimen taǵaiyndalady. Bul bir jaǵynan AÁK alýshylardyń óz tabysyn jasyrý múmkindigin shekteidi. Ekinshi jaǵynan, otbasynda bala sanynyń artýy múmkin. Jumysty joǵaltýy nemese áleýmettik mártebeniń ózgerýi siiaqty túrli sebepter ataýly áleýmettik kómek mólsherin ulǵaitýy múmkin.
Ekinshiden, AÁK alýǵa ótinish bildirgen otbasynyń eńbekke qabiletti múshesine Shymkent qalalyq jumyspen qamtý ortalyǵy tarapynan jumys usynylady. Bilimi joq, jumyssyz azamattardy qysqa merzimdi kásiptik oqytý kýrstaryna jiberedi. Bul kezeńde olar stipendiia alady. Sosyn oqý bitirgenderdiń qatarynda óz ideiasymen 505 myń teńge kóleminde memlekettik grant utyp alý múmkindigi de qarastyrylǵan.
Al usynylǵan belsendi jumyspen qamtý sharalarynan bas tartqandar jáne onyń otbasy múshelerine AÁK berý toqtatylady. Sondai-aq, bala kútimimen ainalysatyn anaǵa, bala úsh jasqa tolǵannan keiin jumyspen qamtýdyń belsendi sharalaryna qatysý mindeti qoiylady.
Úshinshiden, ýchaskelik komissiialar jumysy men jaýapkershiligi kúsheitiledi. Ókinishke orai, AÁK alýshylar qatarynda birneshe qabatty jeke úii, birneshe avtokóligi bar, sondai-aq, jer telimderi men jeke qosalqy sharýashylyǵy bar azamattardyń bolǵany jasyryn emes. Bul jaǵdailar ýchaskelik komissiiasynan jaýapkershiliginde bolady. Muqtajdyqty anyqtaý tártibi zań jobasyna sáikes júrgizilmek. Jańa tártipke sai, ýchaskelik komissiia tekserý júrgizý jáne qorytyndy jasaýdy burynǵydai úsh kúnde aiaqtamaidy, jeti kún júrgizedi.
