Sputnik / Vladislav Vodnev
Shymkent qalasynyń ákimi Murat Áitenov LRT jáne BRT salý jaily pikirin bólisip, qalanyń bas josparyndaǵy ózgerister týraly aitty, dep habarlady Sputnik Qazaqstan.
Áitenovtiń aitýynsha, bas jospar jańadan qurylmaidy, oǵan ózgerister engiziledi. Óitkeni bas jospar 2012 jyly bekitilgen. Sodan beri Shymkent oblys ortalyǵynan respýblikalyq mańyzy bar qalaǵa ainalǵan.
Shahar basshysy bas josparǵa LRT jáne BRT salý engizilgenin, biraq jobanyń júzege asý-aspaýy áli belgisiz ekenin aitty.
"Biyl josparǵa halyqtyń ósý dinamikasyn eskere otyryp, ózgerister engizilýde. Biz qala turǵyndary óz usynystaryn engizýi úshin bir ai ýaqyt berdik. Basqa memleketterde LRT, BRT qosylǵanyn ózińiz kórip júrsizder. Sarapshylardyń pikirinshe, turǵyndar sany millionǵa jýyqtaityn qalaǵa balama kólik túri qajet. Óitkeni halyq sanynyń ósý dinamikasy baiqalady. Qazir LRT jáne BRT syzbalary daiyndalýda. Aldaǵy ýaqytta bul qalai qosylatyny týraly máseleni úkimetpen talqylaimyz. Degenmen biz LRT engizý úshin investorlardy tartý múmkindigin qarastyramyz", - dedi Murat Áitenov.
Ákim LRT qurylysynyń jospary ázirge naqty emes ekenin, munyń bári syzbalar ázirlengennen keiin sheshiletinin jetkizdi. Aitýynsha, barlyǵy qala biýdjetine jáne investorlardyń usynystaryna bailanysty.
