Ulttyq sanaqtyń birinshi kezeńinde Shymkent qalasyndaǵy jylymaityn múlikterdiń mekenjaiyn naqty kórsetetin jańartylǵan karta ázirlendi. Bul týraly Shymkent qalasynyń ákimi Murat Áitenov Úkimet otyrysynda málim etti, dep habarlaidy "QazAqparat" HAA.
«Sanaqtyń ekinshi kezeńine 186 nusqaýshy-baqylaýshy jáne 1 304 interviýer tartylady. Qala aýmaǵynda ornalasqan jyljymaityn múlik obektileri men olardyń mekenjailary boiynsha jańartylǵan karta ázirlenip, Statistika organyna 246 dana planshet usynyldy. Sanaq personalyn úi-jaimen qamtamasyz etý boiynsha 155 nusaýshy ýchaske belgilenip, jihazben, qural-saimandarmen, telefon bailanysymen jáne internetpen jabdyqtaldy», - degen shahar basshysy qala aýmaǵyna jýyq ǵana qosylǵan eldi mekenderge qatynaý úshin sanaq personalyna arnaiy kólik bólingenin atady.
«Sanaq personalyna qala aýmaǵyna keiin qosylǵan eldi mekenderge qatynaý úshin 14 jeńil avtokólik uiymastyryldy. Qaladaǵy epidemiologiialyq ahýaldy eskere otyryp, sanaq peorsonaly vaktsinalaýdan ótip jatyr. Sanaq personalynyń qaýipsizdigin qamtamasyz etý úshin ýchaskelik politsiia ókilderi profilaktikalyq jáne uiymdastyrý jumystaryn turaqty túrde júrgizdi», - dedi Murat Áitenov.
Eske salsaq, búgingi Úkimet otyrysynda biýro basshysy biylǵy sanaqqa pandemiia, vaktsinaǵa qatysty máseleler suraqtar qosylyp otyrǵanyn atap ótti.
«Sanaq paraqtaryna halyqtyń kóshi-qony, tirshilik qabiletin shekteý, pandemiianyń tabys deńgeiine áseri, koronavirýs infektsiiasymen syrqattanýshylyq jáne halyqty vaktsinalaý týraly jańa suraqtar engizildi. Jumyspen qamtý, til meńgerý, meken jaǵdaiy jáne bala týý týraly suraqtardyń qatary keńeitildi», - dedi Ulttyq statistika biýrosynyń basshysy.
