Shyǵys Qazaqstan oblysynyń Kókpekti jáne Altai aýdandarynda tasqyn qaýpi joǵary, dep habarlaidy "Ult aqparat".
Tótenshe jaǵdailar ministrliginiń tótenshe jaǵdailardyń aldyn alý departamentiniń bastyǵy Rýstambek Ámrin tasqyn qaýpi seiilmegen 171 eldi mekenniń ishinde qai aýyldarda qater kóbirek ekenin málim etti.
«Naýryz aiynyń aiaǵynda Shyǵys Qazaqstan oblysynda áýeden baqylaý júrigizip, Kókpekti, Altai aýdandaryn zerttep qaittyq. 27 naýryzda Tótenshe jaǵdai ministrliginiń bólimsheleri alǵashqy sappen sondaǵy birneshe eldi mekenge jetti. Ásirese, Altai aýdanynyń Maleev, Zýbov kentterinde, Kókpekti aýdanynyń Samar aýylynda shynymen de tasqyn qaýpi joǵary. Bul eldi mekenderdiń bári bizdiń baqylaýymyzda», - dedi vodemstvo ókili.
Ortalyq kommýnikatsiialar qyzmetinde brifing barysynda BAQ ókilderi Aqmola oblysyndaǵy Qarajar aýylynyń turǵyndaryna shaǵym túsip jatqany týraly saýal qoidy.
«Qarajar aýylyna keler bolsaq, Aqmola oblysy boiynsha tasqynǵa qarsy jedel top qurylǵan. Ótinim túsken jaǵdaida osy top kúsh jumyldyrady. Jalpy Aqmola oblysy boiynsha Tótenshe jaǵdai qyzmetiniń 775 adamy men 143 tehnikasy bólingen. Onyń ishinde qaiyqtar men sý sorǵysh tehnika bar. Qońyraý túsken boida jedel áreket etýge daiyn. Bul iste Aqmola oblysy men Nur-Sultan qalasy ózara birlesip áreket etýge kelisip otyr», - dedi ministrlik ókili.
