شىعىس قازاقستان وبلىسىنىڭ كٶكپەكتٸ جەنە التاي اۋداندارىندا تاسقىن قاۋپٸ جوعارى, دەپ حابارلايدى "ۇلت اقپارات".
تٶتەنشە جاعدايلار مينيسترلٸگٸنٸڭ تٶتەنشە جاعدايلاردىڭ الدىن الۋ دەپارتامەنتٸنٸڭ باستىعى رۋستامبەك ەمرين تاسقىن قاۋپٸ سەيٸلمەگەن 171 ەلدٸ مەكەننٸڭ ٸشٸندە قاي اۋىلداردا قاتەر كٶبٸرەك ەكەنٸن مەلٸم ەتتٸ.
«ناۋرىز ايىنىڭ اياعىندا شىعىس قازاقستان وبلىسىندا ەۋەدەن باقىلاۋ جٷرٸگٸزٸپ, كٶكپەكتٸ, التاي اۋداندارىن زەرتتەپ قايتتىق. 27 ناۋرىزدا تٶتەنشە جاعداي مينيسترلٸگٸنٸڭ بٶلٸمشەلەرٸ العاشقى ساپپەن سونداعى بٸرنەشە ەلدٸ مەكەنگە جەتتٸ. ەسٸرەسە, التاي اۋدانىنىڭ مالەەۆ, زۋبوۆ كەنتتەرٸندە, كٶكپەكتٸ اۋدانىنىڭ سامار اۋىلىندا شىنىمەن دە تاسقىن قاۋپٸ جوعارى. بۇل ەلدٸ مەكەندەردٸڭ بەرٸ بٸزدٸڭ باقىلاۋىمىزدا», - دەدٸ ۆودەمستۆو ٶكٸلٸ.
ورتالىق كوممۋنيكاتسييالار قىزمەتٸندە بريفينگ بارىسىندا باق ٶكٸلدەرٸ اقمولا وبلىسىنداعى قاراجار اۋىلىنىڭ تۇرعىندارىنا شاعىم تٷسٸپ جاتقانى تۋرالى ساۋال قويدى.
«قاراجار اۋىلىنا كەلەر بولساق, اقمولا وبلىسى بويىنشا تاسقىنعا قارسى جەدەل توپ قۇرىلعان. ٶتٸنٸم تٷسكەن جاعدايدا وسى توپ كٷش جۇمىلدىرادى. جالپى اقمولا وبلىسى بويىنشا تٶتەنشە جاعداي قىزمەتٸنٸڭ 775 ادامى مەن 143 تەحنيكاسى بٶلٸنگەن. ونىڭ ٸشٸندە قايىقتار مەن سۋ سورعىش تەحنيكا بار. قوڭىراۋ تٷسكەن بويدا جەدەل ەرەكەت ەتۋگە دايىن. بۇل ٸستە اقمولا وبلىسى مەن نۇر-سۇلتان قالاسى ٶزارا بٸرلەسٸپ ەرەكەت ەتۋگە كەلٸسٸپ وتىر», - دەدٸ مينيسترلٸك ٶكٸلٸ.
