Shyǵys Qazaqstan oblysy Kúrshim aýdanyndaǵy «Qyzyl tý» muz ótkeli jabyldy, dep habarlaidy "Ult aqparat".
ShQO tótenshe jaǵdailar departamenti baspasóz qyzmetiniń málimetine súiensek, 25 naýryzdan bastap «Qyzyl tý» muz ótkeli barlyq kólikter úshin jabyq.
Mamandar Buqtyrma sý qoimasynyń betindegi muzdyń juqarǵanyn anyqtaǵan.
«Ótkeldiń jabylýyna bailanysty eki jaǵalaýǵa postar qoiylyp, tyiym salatyn jol belgileri ornatyldy», - dep habarlady vedomstvo ókilderi.
Osy rette departament mamandary kúnniń kúrt jylynýyna bailanysty kóshkin júrý qaýpi artqanyn eskertip, óńir jurtshylyǵyna taýly aimaqtarǵa barmaýǵa keńes beredi.
Aita keteiik, Prezident Qasym-Jomart Toqaevtyń tapsyrmasymen Kúrshim men Kókpekti aýdandarynyń arasyn jalǵaityn «Qyzyl tý» ótkelinde kópir qurylysy júrgizilip jatyr.
Biyl osy maqsatqa oblystyq biýdjetten 1 mlrd teńge bólingen bolatyn.
