شىعىس قازاقستان وبلىسى كٷرشٸم اۋدانىنداعى «قىزىل تۋ» مۇز ٶتكەلٸ جابىلدى, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 25 ناۋرىزدان باستاپ «قىزىل تۋ» مۇز ٶتكەلٸ بارلىق كٶلٸكتەر ٷشٸن جابىق.
ماماندار بۇقتىرما سۋ قويماسىنىڭ بەتٸندەگٸ مۇزدىڭ جۇقارعانىن انىقتاعان.
«ٶتكەلدٸڭ جابىلۋىنا بايلانىستى ەكٸ جاعالاۋعا پوستار قويىلىپ, تىيىم سالاتىن جول بەلگٸلەرٸ ورناتىلدى», - دەپ حابارلادى ۆەدومستۆو ٶكٸلدەرٸ.
وسى رەتتە دەپارتامەنت ماماندارى كٷننٸڭ كٷرت جىلىنۋىنا بايلانىستى كٶشكٸن جٷرۋ قاۋپٸ ارتقانىن ەسكەرتٸپ, ٶڭٸر جۇرتشىلىعىنا تاۋلى ايماقتارعا بارماۋعا كەڭەس بەرەدٸ.
ايتا كەتەيٸك, پرەزيدەنت قاسىم-جومارت توقاەۆتىڭ تاپسىرماسىمەن كٷرشٸم مەن كٶكپەكتٸ اۋداندارىنىڭ اراسىن جالعايتىن «قىزىل تۋ» ٶتكەلٸندە كٶپٸر قۇرىلىسى جٷرگٸزٸلٸپ جاتىر.
بيىل وسى ماقساتقا وبلىستىق بيۋدجەتتەن 1 ملرد تەڭگە بٶلٸنگەن بولاتىن.
