Illiýstratsiia: gorvesti.ru
Shyǵys Qazaqstanda jol apatynan alty adam qaza tapty, - dep habarlaidy Tengrinews.kz agenttigi Semeynews.kz saityna silteme jasap.
Shyǵys Qazaqstan oblysy politsiia departamentiniń baspasóz qyzmeti jol apaty 8 mamyr kúni saǵat 11.20 shamasynda Jarma aýdany, Shar qalasynyń mańynda Omby – Maiqapshaǵai respýblikalyq tasjolynyń 475/846-shaqyrymynda bolǵanyn habarlady.
"Ssang Yong Actyon" markaly avtokólik júrgizýshisi róldi basqara almai qalyp, qarsy baǵytta kele jatqan "Vaz-21014" kóligimen betpe-bet soqtyǵysty. Apat saldarynan "Vaz-21014" kóliginiń 33 jastaǵy júrgizýshisi men 5 jolaýshy sol jerde til tartpai ketti. Al "Ssang Yong Actyon" kóligindegi 35 jastaǵy júrgizýshi men kámeletke tolmaǵan úsh jolaýshy túrli dene jaraqatymen aýrýhanaǵa jetkizilgen", - dedi ShQO politsiia departamenti baspasóz qyzmeti.
Atalǵan fakt boiynsha QR QK 345-babynyń 4-bóligi kólik quraldaryn basqaratyn adamdardyń abaisyzda eki nemese odan da kóp adamnyń ólimine ákep soqqan jol qozǵalysy erejelerin buzýy boiynsha sotqa deiingi tergeý bastaldy. Qylmystyq is júrgizý kodeksiniń 201-babynyń 1-bóligine sáikes sotqa deiingi tergep-tekserýdiń ózge de derekteri jariia etýge jatpaidy.
