Shyǵys Qazaqstan oblysy Sogra kentinde joǵalyp ketken bala tabyldy. Bul týraly Ishki ister ministrliginiń baspasóz qyzmeti óziniń Telegram-arnasynda habarlady.
"ShQO-da bala tabyldy. Ol aman-saý. Ony JQAJ qyzmetkeri tapty", - delingen habarlamada.
Eske salaiyq, buǵan deiin ShQO-da aýtizmmen aýyratyn 12 jastaǵy bala joǵalyp ketkeni habarlanǵan edi.
Oblystyq Politsiia departamenti baspasóz qyzmetiniń málimetinshe, "102" arnasyna habarlasqan azamat 14 tamyz túngi saǵat 02:30 shamasynda úiinen belgisiz baǵytqa shyǵyp ketken balasynyń tabylmai jatqanyn aitqan.
Ony izdeýge 500-den astam adam tartyldy. Politseiler qyzmettik itterdi de alyp shyqty. Aýylda jedel shtab quryldy.
