Shyǵys Qazaqstan oblysy Abai aýdanynda 3500 gektar aýmaqta qurǵaq shóp órtenip jatyr, dep habarlaidy "Ult aqparat" Tótenshe jaǵdailar komitetine silteme jasap.
«27 qyrkúiek kúni TJK qyzmetkerleri monitoring jasaý úshin órt aýmaǵyn tikushaqpen aralap, qyzyl jalynnyń taýly, jartasty, adam júre almaityn jerdegi shóp alqaptaryn sharpyǵanyn anyqtady. Órt aýmaǵy – shamamen 3500 gektar. Eldi mekenderge qaýip tónip turǵan joq» delingen habarlamada.
Tilsiz jaýdy aýyzdyqtaýǵa oblystyq TJD, Ulttyq ulan áskeri bólimi men jergilikti atqarýshy organdardyń kúsh-quraldary jumyldyrylǵan. Oqiǵa ornynda barlyǵy 242 adam jáne 29 tehnika jumys istep jatyr.
Órt 24 qyrkúiekte bastalǵan bolatyn.
Sońǵy málimet boiynsha, 3500 gektar aýmaqtaǵy órt aýyzdyqtalǵan.
