«Altai» dep atalatyn erekshe shipajai Katonqaraǵai aýylyndaǵy aýdandyq aýrýhananyń bazasynda ornalasady, dep habarlaidy "Ult aqparat".
Bul jaǵymdy jańalyq ShQO ákimi Danial Ahmetovtiń turǵyndar aldyndaǵy eseptik kezdesýinde aityldy.
«Erteń Katonqaraǵai aýdanyna issaparmen baryp jumystar barysymen tanysamyn. Jergilikti kásipkerlerdiń usynysymen ol jerde halyq meditsinasy ortalyǵyn qurý josparlanyp otyr. Katonqaraǵai aýdanynda balshyqpen, pantymen emdeý, fitoterapiia siiaqty em túrlerin sapaly túrde qoldanýdy oilastyrýdamyz. Ol jerdegi dárigerler kelýshilerge barlyq meditsinalyq qyzmet túrlerin kórsetip, kimge qandai em túri qajet ekenin belgilei alatyndai bolýy qajet», - dedi turǵyndar aldynda esep bergen oblys ákimi Danial Ahmetov.
Shyǵys Qazaqstan týrizm salasyn, onyń ishinde meditsinalyq týrizmdi damytýǵa jiti kóńil bólip otyr. Katonqaraǵai aýdandyq aýrýhanasy bazasynda uiymdastyrylǵaly jatqan «Altai» shipajaiynda halyqtyq meditsina, shóppen emdeý, qymyzben emdeý, batpaqpen emdeý kabinetteri qyzmet kórsetpek. Sonymen qatar, osy shipajaida ońaltý bólimi de ashylmaq.
Jańa shipajai úsh juldyzdy standartqa sáikes bolmaq, joba boiynsha munda bir mezette 90 adamǵa deiin emdele alady.
